Лутфуллаев "Мастерс"ни 7-ўринда якунлади, Ўразбоевда бронза учун имконият бор

Афсуски, жаҳон чемпионатининг кумуш медали совриндори Шарофиддин Лутфуллаев бронза медали йўлидаги ўтиш беллашувида россиялик Алберт Огузовга имкониятни бой бериб, Қатар "Мастерс" турнирини 7-ўрин билан якунлади. Шарофиддин медалга илинмаган бўлса-да, қимматли 468 рейтинг очкосини қўлга киритди.

Ушбу вазн тоифасидаги иккинчи дзюдочимиз Диёрбек Ўразбоев ҳам 1/4 финалда мағлубият аламини тотиб кўрди. Рио Олимпиадасининг бронза медали совриндори Хитой Тайпейи вакили Юнг Вей Янгга ютқазиб қўйди. Энди у бронза медали йўлидаги ўтиш беллашувида ўз омадини синаб кўради.