21 окт 08:52
Янгиликлар

Теннис

Luxembourg Open. Бош соврин Германияга кетди

Германиялик теннисчи Юлия Гёргес Люксембургда ўтказилган турнир ғолибасига айланди.

Дунёнинг 9-ракеткаси бўлиб турган Гёргес финал учрашувида швейцариялик Белинда Бенчичга қарши кортга чиқди. Бир соату 27 дақиқа давом этган финал баҳсида 29 ёшли Гёргес рақибасидан 6/4, 7/5 ҳисобида устун келди.

BGL BNP Paribas Luxembourg Open турниридаги муваффақиятли иштирок Гёргесга 34 677 евро мукофот пули ҳамда 280 рейтинг очкосини тақдим этди. Бу олмон теннисчиси учун фаолиятидаги олтинчи соврин бўлди.