Лючия Бронцетти фаолиятидаги илк WTA совринига эга чиқди

Бош соврин WTA рейтингида 102-поғонада бораётган Лючия Бронцеттига насиб этди. Италиялик теннисчи финал учрашувида дунёнинг 74-ракеткаси, австриялик Юлия Граберни 6/4, 5/7, 7/5 ҳисобида мағлубиятга учратди. 

Теннисчиларнинг ўзаро учинчи учрашувидан сўнг Лючия ҳисобда олдинга чиқиб олди -2:1. Икки соату 49 дақиқа давом этган баҳсда Бронцетти 2, Грабер 3 та эйс зарбасини амалга оширган. 

Бу унинг фаолиятидаги илк қўлга киритилган WTA соврини бўлди. Рабатдаги муваффақиятли иштирок уга 280 рейтинг очкоси ва 34,228 доллар мукофот пули келтирди. Грабер эса 180 очко ва 20,226 доллар ишлаб олди.