20 окт 08:04
Янгиликлар

Теннис

Люксембургда Бушарни тўхтатиб қолишди

Канадалик теннис маликаси Эжени Бушар Люксембургда давом этаётган турнирнинг 1/2 финалида ўз юришини тўхтатди.

Бушар BGL BNP Paribas Luxembourg Open мусобақасининг ярим финал учрашувида дунёнинг 9-ракеткаси германиялик Юлия Гёргесга ютқазиб қўйди. Икки соату 20 дақиқа давом этган баҳсда Юлия WTA рейтингида 108-ўринни эгаллаб турган рақибасини 6/7(3), 7/5, 6/1 ҳисобида мағлуб этди.

Бугун 29 ёшли Гёргес финал учрашувида швейцариялик Белинда Бенчичга қарши кортга чиқади. Белинда ярим финалда украиналик Даяна Ястремскаядан устун келди. Бушар эса бир ой аввал Тошкент Опен турниирида иштирок этган ва биринчи босқичдаёқ мағлубиятга учраган эди.