Мадрид "Мастерс" 1/4 финалчиси Римда 182-ракеткага ютқазиб қўйди

BNL d'Italia турнирининг илк саралаш босқичида дунёнинг 69-ракеткаси бўлиб турган хитойлик Чжичжень Чжан кутилмаганда ATP рейтингида 182-поғонадан жой олган италиялик Франческо Маэстреллига имкониятни бой бериб қўйди - 5/7, 6/2, 5/7.

Чжан якшанба куни якунига етган Мадрид "Мастерс" турнирининг чорак финалига қадар етиб бориб, катта шов-шув кўтарган эди. У бу натижаси билан "Мастерс" турнирлари 1/4 финалида ўйнаган биринчи хитойлик теннисга айланганди. 

Теннисчиларнинг ўзаро илк учрашуви 2 соату 49 дақиқа давом этди. Чжичжень Чжан 2, Маэстрелли 6 та эйс зарбасини ижро этган. Иккала теннисчи ҳам 6 тадан брейкни амалга оширган. Энди у Internazionali BNL d'Italia турнирининг асосий тўрига чиқиш учун испаниялик Педро Мартинес билан ҳисоб-китоб қилади.