12 май 13:59
Янгиликлар

Теннис

Madrid Open. Зверев ярим финал иштирокчисига айланди

Испания пойтахти Мадрид шаҳрида теннис бўйича нуфузли Mutua Madrid Open турнири давом этмоқда.

Соврин жамғармаси 7 435 455 долларни ташкил қилувчи мусобақада ярим финал иштирокчилари маълум бўлди. Дунёнинг биринчи ракеткаси ва шу билан бирга амадаги чемпион Рафаэль Надалнинг мағлубиятга учрагани ҳақида хабар берган эдик.

Надалнинг мусобақани тарк этиши Александр Зверевнинг чемпионлик учун имкониятини ошириб юборди. Германиялик теннисчи дунёнинг учинчи ракеткаси ҳисобланади. У 78 дақиқа давом этган чорак финал баҳсида дунёнинг тўққизинчи ракеткаси америкалик Жон Изнерни 6:4, 7:5 ҳисобида енгди.