14 май 08:01
Янгиликлар

Теннис

Мадрид (WTA). Чемпион Квитова 1,190,490 евро ишлаб олди

Испания пойтахти Мадрид шаҳрида хотин-қиз теннисчилар ўртасидаги нуфузли Mutua Madrid Open турнири ҳам якунланди.

Соврин жамғармаси 8 000 930 долларни ташкил қилувчи мусобақанинг финал учрашувида WTA рейтингида ўнинчи ўринни эгаллаб турган Петра Квитова бош мукофот соҳибасига айланди.

Чехиялик теннисчи 2 соату 52 дақиқа давом этган баҳсда рейтингда 20-поғонадан жой олиб турган голландиялик Кики Бертенсни 7:6(6), 4:6, 6:3 ҳисобида мағлуб этди. Ушбу муваффақиятли иштирок Квитовага 1 миллион 190 минг 490 евро мукофот пули аҳамда 1000 рейтинг очкосини келтирди.