Мадримовнинг мураббийи: "Исроилда ўсиш катта!"

Боксчимиз билан бирга унинг мураббийи Тўлқин Қиличев ҳам Тошкентга қайтди. Албатта, Исроилнинг муваффақиятида бу мутахассиснинг ҳам роли катта. 

"Мураббий сифатида Исроилнинг жангидан кўнглим тўлди. Биринчи жангига қараганда ўзини анча эркин хис қилди. Ўзини ринг эгасидек тутди. Бунинг натижасида анча кучли ҳисобланган рақибини жуда осонлик билан, муддатидан аввал мағлубиятга учратди. Ҳали асосий жанглар олдинда. Америкалик мураббийлар билан биргаликда, ҳамкорликда ишлашда давом этамиз", - деди Қиличев.