15 май 10:57
Янгиликлар

Бокс/ММА

Мадримовнинг вазнида мутлақ жаҳон чемпиони аниқланди

Бугун тонгда АҚШнинг Калифорния штати Лос-Анжелес шаҳрида профессионал бокс кечаси бўлиб ўтди.

Инглвуддаги "Forum Stadium"да ўтган оқшом доирасидаги жангда америкалик Жермелл Чарло аргентиналик Брайан Кастаньога қарши рингга кўтарилди. 12 раундга мўлжалланган жанг 10-раундда якунига етди.

Чарло кучли зарбаси эвазига Кастаньони нокаутга учратди ва биринчи ўрта вазн тоифаси тарихидаги илк мутлақ жаҳон чемпионига айланди.

Ушбу вазнда ҳамюртимиз Исроил Мадримов ҳам жанг ўтказади. У июль ойида франциялик Мишель Сорога қарши жанг қилади. Ушбу жанг ғолиби WBА йўналишида мажбурий даъвогар бўлади ва айнан Чарлога қарши рингга кўтарилиш имкониятини қўлга киритади.