21 май 08:09
Янгиликлар

Бокс/ММА

Мафтункор Лиана Жожуа қайтди, у Парижда жанг ўтказди + ФОТО

Франция пойтахти Париж шаҳрида аралаш яккакураш бўйича Ares FC 6 турнири бўлиб ўтди.

Эътиборлиси, ушбу оқшом доирасида собиқ UFC жангчиси Лиана Жожуа ҳам октагонга кўтарилди. Грузиялик мафтункор аралаш яккакураш устаси россиялик Дарья Железняковага қарши уч раундлик жанг ўтказди.

Бу унинг UFC промоушенидан ҳайдалганидан кейинги илк жанги эди. Уч раунд тўлиқ давом этган жанг якунида ҳакамлар якдил овоз билан ғалабани Железняковага тақдим этишди.

Маълумот учун, Лиана Жожуа ММАда 8 ғалаба ва 6 мағлубият қайд этган. Бу унинг кетма-кет қабул қилиб олган учинчи мағлубияти бўлди. Жожуа бундан аввалги жангини 2021 йилнинг ноябрь ойида UFC Vegas 42 турнирида америкалик Кортни Кейсига қарши ўтказиб, бой берганди.

Мағлубият ва муроса нималигини билмай келаётган Дарья Железнякова эса кеча оқшом еттинчи ғалабасини тантана қилди.