07 мар 09:12
Янгиликлар
Теннис
Мафтункор Свитолина Нью-Йоркдаги турнир ғолибасига айланди
Украиналик теннис маликаси Элина Свитолина АҚШнинг Нью-Йорк шаҳрида ўтган “Tie Break Tens” кўргазмали турнирида бош мукофотни қўлга киритди.
Свитолина илк учрашувда Винус Уильямсни 10:3 ҳисобида мағлуб этди. Чорак финалнинг қолган баҳсларида америкалик Коко Вандервей ва Серена Уильямс ҳамда хитойлик Чжан Шуай зафар қучишди.
Чорак финал учрашувлари:
Элина Свитолина – Винус Уильямс 10:3
Коко Вандервей – Даниэла Хантухова 10:7
Серена Уильямс – Марион Бартоли 10:6
Шуай Чжан – Сорана Кирстя 10:4
Элина ярим финалда корт эгаси Вандервейга ҳеч қандай имконият қолдирмади - 10:0. Иккинчи 1/2 финалда Чжан Шуай Серена Уильямсдан 13:11 ҳисобида устун келди.
Ҳал қилувчи финал учрашувида эса украиналик теннисчи Чжан Шуайни 10:3 ҳисобида мағлубиятга учратди. Элина Свитолина ушбу ғалабаси эвазига 250 000 доллар мукофот пулини қўлга киритди.
Ҳавола :
Манба : isport.ua
Фикрлар