Мафтункор UFC чемпиони Ронда Роузи фаолиятини якунлади

Америкалик собиқ жаҳон чемпиони она бўлишга тараддуд кўрмоқда. Унинг турмуш ўртоғи супероғир вазн тоифасида собиқ UFC чемпиони Трэвис Браун. 

"Мен келажагим бўйича бир қарорга келдим. Спортдаги ўз миссиямни бажариб бўлдим. Энди аёллик вазифам, бурчимни бажаришим керак", - дея Роузининг сўзларидан иқтибос келтирмоқда The Sun нашри.

Эслатиб ўтамиз, Ронда шу йилнинг апрель ойида рестлинг бўйича WWE промоушени доирасида ўтказилган чемпионлик жангида ирландиялик Бекки Линчга имкониятни бой берганди. Айнан шу жанг унинг фаолиятидаги сўнггиси бўлиб қолди.

Маълумот учун, Ронда Роузи UFC промоушенида 14 та жанг ўтказган. Ҳисобида 12 та ғалаба, 3 та нокаут бор. Ронда аёллар ўртасида енгил вазн тоифасида UFC чемпиони бўлган илк жангчи ҳисобланади.