03 фев 08:33
Янгиликлар

Бокс/ММА

Маҳмуд Мурадов Германияда жанг қилади, рақиб ва жанг санаси аниқ + ПОСТЕР

Ўрта вазн тоифасидаги ўзбекистонлик аралаш яккакураш устаси, собиқ UFC жангчиси Маҳмуд Мурадовнинг навбатдаги жанги бўйича тафсилотлар аниқ бўлди.

34 ёшли Мурадов 8 март куни Германиянинг Штутгарт шаҳрида жойлашган "Hanns-Martin-Schleyer-Halle" мажмуасида ташкил этиладиган Oktagon 68 турнирида иштирок этади. Ўша куни унга бразилиялик Жоилтон Луттербач рақиблик қилади. Ўрта вазндаги жанг 3 раундга мўлжалланган.

Оқшомнинг марказий баҳси оғир вазн тоифасида вакант бўлиб турган Oktagon чемпионлик камари учун болгариялик Лазар Тодев ва Ирландия вакили Уилл Флёри ўртасида кечади.

Маълумот учун, Бухорода туғилган Маҳмуд Мурадов фаолияти давомида 35 та жанг ўтказиб, 27 та ғалаба ва 8 та мағлубият қайд этган. 32 ёшли Луттербач ҳисобида эса 39 ғалаба ва 10 та мағлубият бор.