08 авг 11:33
Янгиликлар

Бокс/ММА

Маҳмуд Мурадов UFC билан нечта жангга шартнома имзолашини айтди

Ўрта вазн тоифасида ўзбекистонлик UFC жангчиси Маҳмуд Мурадов юртимизга қайтиб келганидан сўнг ОАВ ҳодимлари ҳамда жамоатчилик учун матбуот анжумани ташкил этди.

Мурадов ушбу анжуманда Olamsport.com мухбири Сарвиноз Раҳмонқулованинг "UFC билан янги шартномангиз борасида қандай маълумотлар бор?", - дея йўллаган саволига қуйидагича жавоб берди:

"UFC билан иккита жангга шартномам бор эди. Ҳозир охиргиси қолди шартнома бўйича. Лекин UFC менежер ва жангчининг эркин агент бўлиб қолишига доим қарши бўлиб келган. Ҳозир яна 4 та жангга шартнома имзолаш бўйича музокара олиб боряпмиз. Бу сафаргиси яхши шароитлар бўйича".

Эслатиб ўтамиз, Маҳмуд Мурадов UFC'да ўзининг сўнгги жангида америкалик Брайан Барберенани очколар ҳисобига кўра мағлуб этган эди.