05 май 21:59
Янгиликлар

Бокс/ММА

Маҳмуд Мурадов UFCда жанг қилади

Аралаш қоидалар бўйича таниқли спортчимиз Маҳмуд Мурадов UFC ташкилоти байроғи остида жанг ўтказади.

Бу ҳақда бухоролик спортчи айни дақиқаларда давом этаётган бокс оқшоми доирасида айтиб ўтди. Мурадов яқинда Флойд Мейвезерга тегишли промоутерлик компанияси билан шартнома имзолаган эди. Режага кўра у 28 июнь куни XFN йўналишидаги сўнгги жангида октагонга чиқади.

Агар бу амалга ошса, ҳамюртимиз Марказий Осиё мамлакатлари спортчилари орасида UFCда дебют қилган илк жангчига айланади. Эркак спортчи десак, тўғрироқ бўлар, чунки қирғизистонлик Валентина Шевченко анчадан бери UFCда жанг ўтказиб келяпти.