Маҳмуд Мурадовга ниҳоят Ўзбекистон фуқаролиги тақдим этилди + ФОТО

Спортчи бу ҳақида ижтимоий тармоқдаги саҳифасида маълум қилди. 

"Алҳамдулиллоҳ, яна бир орзуим амалга ошди. Ишонч учун Президентимизга миннатдорчилик билдираман. Шавкат Миромонович, мамлакатимиз учун қилаётган ишларингизга, қолаверса бугун менга тақдим этган совғангиз учун раҳмат. Сизга ва оила аъзоларингизга узоқ умр тилайман. 26 йил давомида қачондир шу кун келишига шубҳа қилмагандим. Мен хеч қачон ўзбек замини ўғлони эканлигимни унутмаганман. Бугун эса буни тасдиқловчи ҳужжатни қўлимга олдим. Мамлакат фуқароси сифатида юртимиз шарафини жаҳон ареналарида муносиб ҳимоя қилиб, байроғимизни кўкларга кўтаришга қасамёд қиламан. Ҳар бир инсон орзу билан яшайди. Бугун менинг орзуим ушалди. Яна бир маротаба раҳмат", - деб хабар қолдирган Маҳмуд Мурадов.