Макгрегор Махачев ва Перейра жанглари савдосига кулиб қўйди

"Менинг сўнгги жангим буларнинг барчасидан кўпроқ сотилди", - деб ёзди ирландиялик собиқ UFC чемпиони ижтимоий тармоқда спорт шарҳловчиси Дейв Мелтзернинг маълумотларига таяниб.

Мухбирнинг маълумотларига кўра, ушбу даврдаги энг даромадли турнир UFC 300 бўлиб, унинг асосий жангида ярим оғир вазн тоифаси вакиллари Алекс Перейра ва Жамал Хилл ўзаро чемпионлик баҳсида тўқнаш келганди. Юбилей турнири 615 мингта трансляция сотган бўлса, бразилияликнинг UFC 303 турнирида Иржи Прохазкага қарши жанги 274 минг PPV кўрсатганди.

Ислам Махачев UFC 302 турнирида Дастин Порьега қарши октагонга чиқиб, 410 мингта пуллик трансляция амалга оширган ҳолда энг яхши натижани қайд этди.

Конор Макгрегор эса сўнгги жангини 2021 йил июль ойида Лас-Вегасда бўлиб ўтган UFC 264 турнирида Дастин Порьега қарши ўтказган ва катта захира билан миллион трансляция чегарасидан ўтиб, 1,8 миллион сотувга эришган.