Макгрегор UFC 229 иши бўйича ўтказиладиган “суд”га бормоқчи эмасми?

Бундан бир неча кун аввал айнан 10 декабрга Невада штати Спорт қўмитасининг Конор Макгрегор ва Хабиб Нурмагомедов иши бўйича якуний йиғилиши ўтказилиши белгиланган эди. Ушбу йиғилишда спортчиларга нисбатан жазо эълон қилиниши кўзда тутилганди.

Макгрегор Невада штати Спорт қўмитасига мурожаат қилиб, маълум сабабларга кўра йиғилишга кела олмаслигини айтган ва бунга рухсат сўраган. Энди 10 декабрь кунги мажлисда биргина Хабиб Нурмагомедов иштирок этади.

Россиялик жаҳон чемпиони UFC 229 турниридан кейин юзага келган жанжал юзасидан сўроқ қилинади. Иккала спортчи ҳам вақтинчалик жангларда иштирок этишдан четлатилган. Нурмагомедовга ваъда қилинган гонорарнинг бир қисми ҳам ушлаб турилибди.

Эътиборга молик жиҳати шундаки, 10 декабрь куни белгиланган вақтда қўмита раҳбари бўлажак йиғилишда ҳар икки спортчининг иштирок этиши мажбурий эканлигини айтган бу ҳақда улани огоҳлантирган эди.