06 июл 11:56
Янгиликлар

Бокс/ММА

Макгрегор - Холлоуэй жангини суғурталайдиган спортчи айтилди

Келаётган якшанба тонгида АҚШнинг Лас-Вегас шаҳрида аралаш яккакураш олами икки вазнда собиқ UFC чемпиони Конор Макгрегорнинг қайтишига гувоҳ бўлади.

Рақамланган UFC 329 турнирининг асосий жангида ирландиялик яккакураш афсонаси америкалик Макс Холлоуэйга қарши октагонга чиқади. Бу икки рақиб 2013 йилда ҳам октагонда ўзаро тўқнаш келган ва ўшанда Конор очколар ҳисоби бўйича ғалаба қозонган эди.

Бўлажак жангни суғурталайдиган жангчи айтилди. Бразилиялик 30 ёшли Маурисио Руффи захира жангчиси бўлиш мақсадида Қўшма Штатларга учиб кетди. Руф Макс Холлоуэй ва Конор Макгрегор ўртасидаги жангни суғурталайди.

Руффи ўзининг ижтимоий тармоқдаги саҳифасида ҳозирда вазни 84 килограмм эканлигини маълум қилди. Маурисио ММАдаги фаолияти давомида 14 та жангда ғалаба қозониб, 2 бор мағлубиятга учраган. 14 июнь куни Оқ уйда у Майкл Чандлерни биринчи раунддаёқ нокаутга учратган эди.