"Manama Challenger 80". Султонов финалда кортга чиқди

Мукофот жамғармаси 52 080 АҚШ долларини ташкил этувчи "Manama Challenger 80" турнирида ҳамюртимиз Ҳумоюн Султонов ҳам ўз имкониятини синовдан ўтказди. Султонов саралашнинг ярим финалида Саудия Арабистони теннисчиси Омар Аҳмедни мағлуб этганди. 

Афсуски, у саралашнинг финал учрашувида чехиялик Марек Генгелга имкониятни бой бериб қўйди. Саралаш турнирининг биринчи ракеткаси бўлган Султонов 127 дақиқа давом этган баҳсда европалик рақибига 6/4, 6/7(2), 0/6 ҳисобида ютқазди ва энди бор эътиборини жуфтликдаги иштирокига қаратади.  

Таққослаш учун, Ҳумоюн Султонов ATP рейтингида 391, Марек Генгель эса 434-ўринни эгаллаб турибди. Ҳамюртимиз яккаликдаги иштирокини якунлаган бўлса, чехиялик теннисчи асосий тўр баҳсларига йўл олди.  Унинг биринчи даврадаги рақиби дунёнинг 288-ракеткаси, португалиялик Гонсалу Оливейра бўлади.