Манба: Отабек Шукуров фаолиятини Европада давом эттиради

Сербиянинг "Радник" клуби ўзбекистонлик ярим ҳимоячи Отабек Шукуров билан шартнома имзолади. Бу трансфер Сурдулица жамоаси тарихидаги энг шов-шувли ва салмоқли кучайишлардан бири сифатида баҳоланмоқда.

"Mozzart Sport" нашрининг тасдиқлашича, трансфер тўлиқ якунланган. Футболчи ФИФА кунларидан сўнг Сербия Суперлигасида дебют қилиши кутилмоқда. Унинг тажрибаси жамоа ярим ҳимоясини янада кучайтириши айтиляпти.

Маълумот учун, "Радник" жорий мавсумда Суперлигада иккинчи йил қатораси яхши натижалар кўрсатмоқда. Айни пайтда Сурдулица клуби 10 турдан кейин 14 очко жамғарган ҳолда турнир жадвалида 7-ўринни эгаллаб турибди. Жамоа жорий чемпионатда ўз майдонида ҳамон мағлубиятга учрагани йўқ ("Црвена Звезда" ва "Партизан"га қарши ўйинларда ҳам). Терма жамоалар танаффусидан кейин «Радник»ни Лозницада "ИМТ"га қарши баҳс кутиб турибди.