Манчестер дербисидан сўнг МЮ мухлиси "Сити" футболчиси юзига шапалоқ туширди

АПЛнинг 31-тури доирасидаги ўйин 6 апрель куни "Олд Траффорд"да бўлиб ўтди ва 0:0 ҳисобида якунланди.

Daily Mail нашри хабар беришича, ўйин тугаганидан сўнг Грилиш майдондан чиқиб кетаётган пайтда "Манчестер Юнайтед" мухлисларидан бири 29 ёшли англиялик футболчини чақириб олган. Туннель атрофидаги тортишув пайтида мухлис Жекка шапалоқ туширган.

Ушбу воқеадан аввал, ўйин давомида МЮ мухлислари "Сити" ярим ҳимоячиси Фил Фоден ва унинг онаси ҳақида ҳақоратли бақириқлар айтишган. Улар фоҳишани англатувчи сўзни ишлатишган.

"20 ёшли Алфи Холт ҳужумда айбланмоқда. У Манчестер суди олдида жавоб беради. Айблов кеча "Олд Траффорд"да содир бўлган ҳодиса билан боғлиқ", — деди Манчестер полицияси вакили.