06 янв 07:32
Янгиликлар

Бокс/ММА, Футбол

"Манчестер Сити" футболчиси Хабиб Нурмагомедовга бутса совға қилди + ФОТО

UFC шон-шуҳрат залининг 37 ёшли аъзоси, енгил вазнда собиқ UFC чемпиони Хабиб Нурмагомедов ажойиб совға олди.

У "Манчестер Сити" футбол клубининг 22 ёшли ҳужумчиси франциялик Райан Шерки билан учрашди. Шерки "Бургут"га ўз бутсасини совға қилган ва унга дастхатини қўйиб берган.

Эслатиб ўтамиз, Хабиб сўнгги жангини 2020 йилнинг 24 октябрь куни Абу-Даби (БАА) яқинидаги Яс оролида бўлиб ўтган UFC 254 турнирида ўтказган эди. Унинг ўша пайтдаги рақиби енгил вазн тоифасида UFC вақтинчалик чемпиони америкалик Жастин Гэтжи бўлганди. Жанг россиялик спортчининг иккинчи раундда бўғиш усулидаги ғалабаси билан якунланди. Нурмагомедов учун бу фаолиятидаги 29-ғалаба бўлганди. Жангдан сўнг Хабиб аралаш яккакурашлардаги фаолиятини якунлашини маълум қилган эди.

Жорий мавсумда Райан Шерки "Манчестер Сити" сафида барча мусобақаларда 22 та ўйинда майдонга тушиб, 5 та гол урди ва 8 та голли узатмани амалга оширди.