08 июн 15:01
Янгиликлар

Теннис

Мария Саккарининг Ноттингемдаги юриши бошланди

Дунёнинг бешинчи ракеткаси Мария Саккари Ноттингем турнирининг иккинчи даврасига йўл олди.

Грециялик теннис маликаси WTA рейтингида 61-поғонадан жой олиб турган колумбиялик Мария Осориони таслим этди - 6/2, 6/3. Теннисчилар кортда 75 дақиқа ҳаракат қилишган.

Бу Марияларнинг ўзаро ўтказган илк учрашуви эди. Саккари 8 та, Осарио 1 та эйс зарбани амалга оширган. Энди Мария Саккари иккинчи даврада канадалик Ребекка Маринога қарши кортга чиқади.