Марлон Тапалес Муроджон Аҳмадалиев билан шу йилнинг ўзида жанг қилмоқчи

Муроджон Аҳмадалиевнинг IBF камарига мажбурий даъвогар ҳисобланган филиппинлик боксчи Марлон Тапалес КАКА билан шу йилнинг ўзида жанг қилмоқчи.

"Мен бу жанг шу йил ичида бўлишини хоҳлайман. У буюк жаҳон чемпиони, маҳоратли ва эпчил боксчи. Аммо ишончим комилки, менинг услубим унга жуда мос келади ва менда уни мағлуб этиш учун арсенал бор. Бу тўқнашувни тезроқ ташкил этиш учун курашни менежер ҳамда промоутеримга топшираман. Спорт залида қаттиқ меҳнат қилдим ва бу жангни узоқ кута олмайман", - деди Марлон.

Аввалроқ мураббий Тўлқин Қиличев КАКА бу йил рингга қайтмаслиги, келаси йилнинг январь-февраль ойларида филиппинлик Марлон Тапалесга қарши рингга чиқиши мумкинлигини айтган эди.