Мармушниннг "Манчестер Сити"даги маоши маълум

"Шаҳарликлар" "Айнтрахт" ҳужумчиси Омар Мармушнинг трансфери бўйича келишувга эришди. Мисрлик футболчи учун инглиз жамоаси 75 миллион евро сарфлайдиган бўлди. Ҳужумчининг ўзи билан эса беш йиллик шартнома имзоланади. 

Манбага кўра, футболчининг маоши солиқлардан кейин йилига 10 миллион евро атрофида бўлади. Ушбу мавсумда ҳужумчи 26 ўйинда 20 та гол ва 14 ассист қайд этиб, Бундеслигада Харри Кейндан кейинги тўпурар бўлиб турибди.