Марокаш Гран-Приси. Франция ва Ўзбекистонда 2та олтин медал!

Марокаш Гран-Присининг иккинчи кунги баҳсларида терма жамоамиз битта бронза медали ҳисобига бойиди. -73 кг вазн тоифасида юртимиз шарафини ҳимоя қилган Ҳикматилло Тўраев бронза медалини қўлга киритди. У бронза медали учун кечган учрашувда туркиялик Билал Чилоглуни мағлубиятга учратди. 

Шу тариқа, Марокаш Гран-Присидаги медалларимиз сони 3тага етди. Биринчи кунги баҳсларда Шарофиддин Лутфуллаев ва Сардор Нуриллаев олтин медалга сазовор бўлишган эди. Иккинчи кунги баҳслардан сўнг Ўзбекистон терма жамоаси 2 та олтин, битта бронза медали ва битта 5-ўрин билан умумжамоа ҳисобида иккинчи ўринни эгаллаб турибди. 

Франция терма жамоаси ҳисобида ҳам 2та олтин ва битта бронза медали бор. Лекин франциялик дзюдочиларнинг 3 нафари бешинчи, иккиси еттинчи ўринни эгаллаган. Фақат шу нисбат ҳисобига кўра фаранглар биринчи ўринни эгаллаб туришибди.  

Биттадан олтин, кумуш ва бронза медалига эга бўлиб турган Испания терма жамоаси кучли учликка якун ясаган. Болгария, Россия, Словения ва Хитой Тайпейи дзюдочилари икки кунлик баҳсларда биттадан олтин медални қўлга киритишган. Ҳозирча жами 23та жамоа ҳисобида камида биттадан бронза медали бор.