12 апр 08:19
Янгиликлар

Бошқалар, Қишки спорт турлари

Мартен Фуркадга Давлат мукофоти топширилди

Франция ҳукумати биатлон бўйича беш карра Олимпиада чемпиони Мартен Фуркадни Фахрий легион Ордени билан тақдирлади.

Фуркад бу мукофотга Пхёнчхан Олимпиадасидаги муваффақиятли иштироки учун лойиқ кўрилди. Мартен Жанубий Кореядаги Оқ Олимпиадада 3та олтин медални қўлга киритганди.

Бу билан у Франция спорти тарихидаги Олимпиадаларда энг кўп медалга эга чиққан атлетга айланганди. Унинг ҳисобида Олимпиадаларнинг 5та олтин, 2та кумуш медали бор.

Шунингдек, Фуркаднинг аралаш эстафета баҳсларида жамоадошлари -Анаис Бескон, Симон Детьё ва Мари Дорен-Абер Рицарлик унвонлари билан тақдирланишди.