Матч-болдан чиқиб кетган Истомин Австрия турнирининг асосий тўрига йўл олди

Ҳамюртимиз саралашнинг биринчи ракеткаси сифатида қайд этилганди. Денис саралашнинг ярим финалида франциялик Эллиот Бенчетритни икки сетда ортиқча қийинчиликсиз мағлуб этган эганди. 

Истомин ҳозиргина якунига етган саралашнинг финал учрашувида бразилиялик Тьяго Монтейрога қарши кортга чиқди. Драматик кечган учрашув 2 соату 19 дақиқа давом этди ва якунда Денис рақибини 6:1, 6:7(7), 7:5 ҳисобида мағлуб этишнинг уддасидан чиқди. 

Эътиборлиси шундаки, Тьяго ҳисоб 5:4 бўлиб турган паллада матч-болдан фойдалана олмади. Рақибининг геймини ютиб олган Денис ҳисобни тенглаштирди ва кейинчалик кетма-кет яна иккита геймда зафар қучди. Истомин асосий тўрда!

Таққослаш учун, Истомин дунё рейтингида 90-ўринни эгаллаб турибди. Монтейро эса 146-поғонадан жой олган. Икки теннисчи шу кунгача ўзаро учрашувларда тўқнаш келишмаган эди. Бугун Денис ҳисобни очди.