Матонатли шахматчиларимиз Осиё чемпионатида 5 та медалга эга чиқишди

Ўндан зиёд мамлакатнинг 100 нафардан зиёд пара шахматчилари қатнашган баҳсларда Ўзбекистон терма жамоасининг 8 нафар аъзоси турли йўналишларда ғолиблик учун дона сурди. Мусобақар сарҳисобига кўра, ҳамюртларимиз қитъа биринчилигида 1 та олтин, 2 та кумуш ва 2 та бронза, жами 5 та медални қўлга киритишди.

Матонат соҳиби бўлган шахматчиларимиздан Сирожиддин Зайниддинов ўз йўналишида олтин, Айнура Изентаева ва Сабоҳат Икромалиева кумуш, Аҳадхон Кимсанбоев ва Бобур Дўстмуродов бронза медалларига сазовор бўлди.