Махачев келгусида яримўрта вазнга ўтиши мумкин

АКА зали асосчиси ва енгил вазн тоифаси (- 70 кг)да UFC чемпиони Ислам Махачев (23-1)нинг мураббийи Хавьер Мендес шогирдининг келгусида яримўрта вазнга ўтиш нияти борлигини айтди.

"Хабиб Нурмагомедовдан фарқли ўлароқ, Махачев чиндан бу ҳақда ўйлайди. Ислам менга қачондир ярим ўрта вазн тоифасига ўтишни хоҳлаётганини айтган эди, лекин у биринчи навбатда енгил вазнни "тозаламоқчи". У чемпионлик камарини ҳаммадан кўра кўпроқ ҳимоя қилишни истайди", - деди Мендес The Schmo YouTube каналига берган интервьюсида.

Маълумот учун, Ислам Махачевнинг енгил вазндаги чемпионлик камари учун бўлиб ўтадиган чемпионлик жанги 11 февраль куни Австралиянинг Перт шаҳрида, UFC 284 мусобақаси доирасида ўтказилади. Бу Ислам Махачев учун илк ҳимоя жанги бўлади.