14 авг 12:03
Янгиликлар

Бокс/ММА

Махачев Нурмагомедовнинг UFC`га ўтиши ҳақида гапирди

Теглар : Ислам Махачев Усман Нурмагомедов

PFL енгил вазн тоифаси чемпиони Усман Нурмагомедов UFC`га ўтган тақдирда, ташкилот муҳитига мослашиш учун аввал чемпионликка даъвогарлардан бирига қарши жанг ўтказиши, шундан сўнггина чемпионга қарши жанг қилиши керак.

Бу ҳақда унинг жамоадоши, UFC енгил вазн тоифаси чемпиони Ислам Махачев фикр билдирди.

У журналистларнинг Усман Нурмагомедов UFC енгил вазн рейтингидаги жангчилардан бири билан тўқнаш келиши мумкинлиги ҳақидаги фикрига қўшилди, бироқ аниқ номларни келтириб ўтирмади.

"У муҳитни ҳис қилиши керак, — деди Махачев Нурмагомедовнинг UFC`га ўтиши ҳақида. — Битта жанг ўтказиши керак. Чунки UFC — энг йирик лигалардан бири. Бошқа лигадан келиб, дарров чемпионлик учун жанг қилиш... Бу имконсиз эмас, лекин... У келиб, муҳитни, медиадаги босимни ва қолган барча нарсаларни ҳис қилиши керак. Шундан сўнг эса кейинги жангида чемпионлик учун курашса бўлади".

Маълумот учун, 28 ёшли Усман Нурмагомедов ҳозирда PFL лигаси билан ҳамкорликни узайтириш ёки UFC билан шартнома имзолаш бўйича музокаралар олиб бормоқда. Яқинда унинг менежери Али Абдель-Азиз бу жараён бир неча ой давом этишини маълум қилганди.