10 окт 10:12
Янгиликлар

Бокс/ММА

Махачев: "Тез орада UFC'нинг енгил вазндаги чемпионига айланаман"

Россиялик UFC жангчиси Ислам Махачев бразилиялик Чарльз Оливейра билан бўлажак жанги ҳақида гапирди.

Ислам Махачев ва Чарльз Оливера ўртасидаги жанг 22 октябрь куни бўлиб ўтади.

"Жуда ҳам ҳаяжонланяпман, чунки орзуимга тобора яқинлашяпман. Бу лаҳза жуда ҳам яқин. Тез орада мен енгил вазн чемпионига айланаман. Чарльз жуда хавфли жангчи. У рақибларини зарба билан ҳам, партерда ҳам мағлуб этган. Лекин мен ўз тажрибамга ишонаман. Мен "стойка"да ҳам, партерда ҳам жанг қилишга тайёрман, бу аҳамиятсиз.

Мен унинг жиу-житсусидан қўрқмайман. Чунки менинг самбо ва грепплингдаги тажрибам яхши. Мен унга бу борада зарба йўллашига ҳам йўл қўймайман. У UFC'да анчадан буён ғалаба қозониб келмоқда, бироқ менинг мақсадим - бунга барҳам бериш", - деди Махачев.