Махачев учун энг хавфли рақиб. Ислам ҳали бундай панчер билан жанг қилмаган

UFC 291 турнирида Жастин Гэтжи Дастин Порьени шафқатсизларча нокаутга учратиб, BМF камарини қўлга киритди ва навбатдаги чемпионлик жанги учун асосий даъвогарга айланди. Эҳтимол, Гэтжи Махачев - Оливейра жуфтлигида ғолибнинг рақибига айланади ва агар Ислам Чарльздан ўтиб кетса, ниҳоятда ҳавфли одамга дуч келади.

Ислам UFC'даги фаолиятида ҳеч қачон Гэтжидек кучли зарбага эга рақиб билан жанг қилмаган. Волкановски зарба беришдан йироқ, Оливейра зарба бериш техникасидан кўра кўпроқ кураш билан шуғулланади, Бобби Грин ва Дэн Хукер "нокаутчи" деб аташ мумкин бўлган жангчилар туркумига кирмайди.

Аммо Жастин ҳақида шундай дейиш мумкин. BМF камарининг эгаси кучли зарбага эга ва унинг рақиблари буни яхши билишади. Масалан, Дастин Порье.

“Унинг жанговар тажрибаси бор. Агар ҳимояда ишончли тура олса, Гэтжи Ислам учун муаммо бўлади. Унинг зарбалари оғир. Мен буни ҳатто блок орқали ҳам ҳис қилдим. У тўғри чизиқлар билан танамга икки марта урди. Мен тана аъзолари - жигарига, кўкрагига урмаганман, лекин у сезгир эди. Унинг кучли суяклари бор, у қаттиқ заряд олади - зарбаларга эътибор қаратади. Ўз вақтида жавоб бериб, юзимни буриб қўйганим сабабли бир хук зарба тегиб кетди. Алоқа пайтида мен ўгирилдим ва бу ҳаракат мени қутқарди.

Бу зарбанинг кучи мени бомбанинг иссиқлигидек куйдирди. У қаттиқ зарба беради. Агар Ислам ўтказиб юборса, Гэтжи йиқилмасликка ҳаракат қилса ва тўғридан-тўғри нишонга шундай зарбалар берса, Ислам партерга қулайди. Гэтжи даҳшатли панчер. Буларнинг барчаси унинг тейкдаунлардан ҳимояланишига боғлиқ, у  бу борада қаттиқ ишлайди" - деди Порье.

Махачевнинг муаммоси шундаки, у жуда кўп зарба ўтказиб юборади, Волкановски билан жанг буни исботлади. Ҳа, у Алекс билан тўқнашувда зарбаларга дош берди, лекин Гэтжи ҳар ким учун чироқларни ўчириб қўйиши мумкин. Бундан ташқари, Махачев аллақачон нокаутга учраган, бу ҳам инобатга олинади.

Дастин Порье мантиқан тўғри айтди. Ислам Гэтжини йиқита оладими ёки йўқ, ҳаммаси шунга боғлиқ. Аммо Махачевнинг кураши Хабибникидек кучли эмас. Ҳатто йиқитган тақдирида ҳам ҳамиша рақибни партерда ушлаб тура олмайди ва Хабибнинг кўрсатмаларисиз турли усуллар қўллай олиши қийин.

Ислам Хабиб каби жангда тезда ғалаба қозониши даргумон. Ва стойкада, Жастин каби рақиб билан ҳар сония ўта хавфли: бироз турғунлик, бироз хато - ва сиз туш кўришни бошлайсиз. Порье буни тасдиқлаши мумкин.

Таъкидлаш керакки, Жастин бу жангга катта мотивация билан киришади. Ноябрь ойида 35 ёшга тўладиган Гэтжига бу чемпион бўлиш сўнгги имконият бўлиши мумкин. Ва бу имконият учун у охиригача курашади. Қолаверса, Жастин Хабибдан учралган мағлубиятни ҳамон миясида сақлаб турибди ва Махачев устидан қозонилган ғалаба уни миясидан ўчириб ташлаши мумкинлигини таъкидламоқда.