Махачевдан умид қилган Пратес кейинги жанг учун шартнома олди

У ярим ўрта вазн тоифасида UFC чемпионлик камари учун курашишдан олдин яна бир бор октагонга чиқади.

"Болалар, мен сизга тайёр бўламан деб айтгандим ва бу содир бўлди - телефоним жиринглади. Бугун мен шартнома имзолайман ва тез орада янгиликларни кутинг", - деди бразилиялик аралаш яккакураш устаси ижтимоий тармоқда эълон қилинган видеода.

15 август куни Филадельфияда бўлиб ўтадиган UFC 330 турнирида етакчилик қиладиган Махачев - Гэрри жангини ҳисобга олсак, Пратеснинг рақиби дивизионнинг кучли учлигини якунлаётган ва рейтингда бразилияликдан бир поғона ортда қолаётган мағлубиятсиз эквадорлик Майкл Моралес бўлишини тахмин қилиш мантиқан тўғри.

Ўтган йилнинг апрель ойида Карлос Пратес UFC’да илк мағлубиятини қабул қилиб олганди. У ҳакамларнинг якдил қарори билан айнан Йен Мачадо Гэррига ютқазганди, аммо кейин Жефф Нил, Леон Эдвардс ва Жек Делла Маддаленани мағлуб этиб, учта нокаутдан иборат ғалабали серияга кириб олган эди.