Махачевга бошқа рақиб беришлари мумкин, буни Исламнинг ўзи тасдиқлади

UFC 280 турниридаги ғалабадан сўнг Махачевнинг кейинги рақиби ярим енгил вазн чемпиони Александр Волкановски бўлиши айтилганди. Ҳатто икки чемпион октагонда юзма-юз келишган ва ўзаро гаплашиб ҳам олишганди, Ўшанда жангнинг ўтказилишини UFC президенти Дана Уайт, Исламнинг мураббийи Хабиб Нурмагомедов ҳам тасдиқлаганди. 

"Менга Чендлер – Порье жанги ғолибини беришлари мумкин. Яқин икки ҳафта ичида илк ҳимоя жангнимни кимга қарши ўтказишим аниқ бўлади", - дея ТАСС нашрига интервью берган Махачев.

Эслатиб ўтамиз, Ислам Махачев ва Алекс Волкановски ўртасидаги бирлаштирувчи чемпионлик жангини 2023 йилнинг 11 февраль куни Австралиянинг Перт шаҳрида ташкил этиладиган UFC 284 турнири доирасида ўтказилиши айтилган эди. 

Дастин Порье ва Майкл Чендлер ўртасидаги даъвогарлар жанги эса 12 ноябрь куни Нью-Йоркда ўтказиладиган UFC 281 турнири доирасида бўлиб ўтади.