Махачевнинг мураббийи: "Ислам Маддаленани "стойка"даям "уриб" қўяди

Россиялик аралаш яккакураш устасининг мураббийи Хавьер Мендеснинг айтишича, унинг шогирди Делла Маддаленага қарши жангда нафақат партерда, балки "стойка", яъни тик ҳолатда ҳам ғалабага эриша олади. Австралиялик жангчининг базаси айнан зарбага қўйилган. Белал Муҳаммад шунча ҳаракат қилса ҳам, Жекни деярли партерга тушира олмади.    

"Ислам Жекдан тик турган ҳолатдаги зарбалар алмашинувидан қочадими? Олдиндан шуни айтишим керак, Махачев — ММА тарихидаги универсал жангчи ҳисобланади. Унинг зарба техникаси жангдан-жангга мукаммаллашиб боряпти. Ислам ҳар бир раундда тактикасини ўзгартириш хусусиятига эга. У бурчагидагилар нимани қилишни айтса, шуни бажаради. Шу боисдан, биз жанг пайтида унга нима фойда келтирса, шуни айтамиз. Ҳа, Ислам Жек Деллани партерда ҳам, тик турган ҳолатда ҳам мағлуб эта олади", — деди Мендес Submission Radio YouTube-каналига берган интервьюсида.