01 апр 11:23
Янгиликлар

Теннис

Майами (ATP): Ака-ука Брайанлар жуфтликда тенгсиз бўлишди

Хабар берганимиздек, АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўз якуни сари яқинлашмоқда.

Ҳозирда биргина эркаклар ўртасидаги яккалик баҳсларида финал учрашуви қолган. Кеча оқшом жуфтликлар мусобақасида ғолиблар аниқланди. Унда америкалик ака-ука Брайанлар бош мукофот соҳибига айланишди.

Боб ва Майк мураккаб кечган финал учрашувида россиялик теннисчилар Карен Хачанов ҳамда Андрей Рублёв жуфтлигини таслим этишди. Бир соату 32 дақиқа давом этган баҳсда 4:6, 7:6(5), тай-брекда 10:5 ҳисоби қайд этилди.

Бу муваффақиятли иштирок Боб ва Майк Брайанларга 439, 350 доллар мукофот пули ҳамда роппа-роса 1000 рейтинг очкосини тақдим этди.