01 апр 15:21
Янгиликлар

Теннис

Майами (ATP): Бугун финал учрашуви ўтказилади

АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўз якуни сари яқинлашмоқда.

Бугун эркак теннисчилар ўртасидаги мусобақанинг яккалик баҳсларида ҳал қилувчи финал учрашуви ўтказилади. Унда дунёнинг бешинчи ракеткаси бўлган германиялик Александр Зверев америкалик Жон Изнерга қарши кортга чиқади.

Теннисчилар шу кунгача ўзаро уч маротаба тўқнаш келишган. Бу учрашувларнинг барчасида Зверевнинг қўли баланд келган. Зверев - Изнер баҳси Тошкент вақти билан соат 22:00да бошланади.