02 апр 08:57
Янгиликлар

Теннис

Майами (ATP): Жон Изнер мусобақа ғолиби бўлди

АҚШнинг Майами шаҳри мезбонлик қилган “Мастерс” туркумига кирувчи нуфузли теннис турнири ўз якунига етди.

Кеча оқшом соврин жамғармаси 7 972 535 долларни ташкил қилган мусобақанинг эркак теннисчилар ўртасидаги яккалик баҳсларида ҳал қилувчи финал учрашуви ўтказилди. Унда дунёнинг бешинчи ракеткаси бўлган германиялик Александр Зверев америкалик Жон Изнерга қарши кортга чиқди.

Теннисчилар шу кунгача ўзаро уч маротаба тўқнаш келишган ва бу учрашувларнинг барчасида Зверевнинг қўли баланд келган эди. Бу сафарги тўқнашувда Изнер мағлубиятлар сериясига чек қўйди. Икки соату 29 дақиқа давом этган баҳсда у рақибини 6:7(4), 6:4, 6:4 ҳисобида мағлуб этиб, бош мукофот соҳибига айланди.