30 мар 09:11
Янгиликлар

Теннис

Майами (ATP): Зверев ярим финал чиптасини қўлга киритди

АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўз якуни сари яқинлашмоқда.

Дунёнинг бешинчи ракеткаси бўлган германиялик Александр Зверев чорак финал учрашувида ATP рейтингида 36-ўринни эгаллаб турган хорватиялик Борна Чоричга қарши кортга чиқди.

Бир соату 24 дақиқа давом этган учрашувда Зверев рақибини 6:4, 6:4 ҳисобида мағлуб этди. Энди германиялик теннисчи финал чиптаси учун испаниялик Пабло Карреньо-Бустага қарши баҳс олиб боради.