28 мар 12:03
Янгиликлар

Теннис

Майами (WTA): Азаренконинг навбатдаги “қурбони” Плишкова

Шу кунларлда АҚШнинг Майами шаҳрида хотин-қиз теннисчилар ўртасидаги нуфузли турнир давом этмоқда.

Miami Open мусобақасининг соврин жамғармаси 7 972 535 долларни ташкил қилади. Катта танаффусдан сўнг яна катта теннисга қайтган дунёнинг собиқ биринчи ракеткаси Виктория Азаренко ғолибона юришини давом эттиряпти.

Турнирнинг асосий тўрига имтиёзли йўлланма асосида қўйилган Азаренко ярим финал йўлланмасини қўлга киритди. Виктория чорак финал учрашувида дунёнинг бешинчи ракеткаси чехиялик Каролина Плишковани 7:5, 6:3 ҳисобида мағлуб этди.

Таққослаш учун, Виктория дунё рейтингида 186-ўринни эгаллаб турибди. Энди Азаренко финал чиптаси учун америкалик Слоан Стивенсга қарши кортга чиқади. Дунёнинг 13-ракеткаси бўлган Слоан чорак финалда германиялик Анжелик Кербердан 6:1, 6:2 ҳисобида устун келганди.