Майк Тайсон: "Мен ўзимдан шу қадар нафратланардимки, ҳатто ўлгим келарди"

Соғлиқни сақлаш вазири кичик Роберт Кеннеди бошчилигидаги Real Food компанияси учун суратга олинган янги роликда 59 ёшли Тайсон семизлик билан курашиш бўйича шахсий тажрибаси ҳақида гапирди.

"Синглимнинг исми Дениз эди. У 25 ёшида ортиқча вазндан вафот этди. Унинг юрак хуружи бор эди. Мен ҳам жуда семиз эдим, дуч келган нарсани ердим. Оғирлигим тахминан 157 кг бўлган. Ҳар соатда бир пачкадан музқаймоқ ердим. Ўзимдан шу қадар нафратланардимки, ўлгим келарди.

Биз дунёдаги энг қудратли давлатмиз ва бизда энг кўп семиз одамлар бор. Мамлакатдаги овқатланишимиз билан нимадир қилиш керак", - деди Тайсон Х ижтимоий тармоғидаги аккаунтида эълон қилинган видеода.

У роликка ёзган постида "Ҳаётимдаги энг муҳим жанг - рингда эмас. Мен камар учун эмас, соғлиғимиз учун курашяпман. Қайта ишланган маҳсулотлар бизни ўлдиради. Бизга ёлғон гапиришди. Биз ҳақиқий таомни ейишимиз керак"

Реал Food компанияси қайта ишланган маҳсулотлар ва шакар истеъмолига қарши қаратилган. Унинг доирасида ўтган ойда АҚШ учун янги диетологик тавсиялар тақдим этилди.