16 дек 13:28
Янгиликлар

Бокс/ММА

Майк Тайсон Усик - Фьюри реванш жангида кимга мухлислик қилишини айтди

Бокс афсонаси Майк Тайсон супероғир вазнда якунланиб бораётган энг муҳим жангларининг бирига ўз тахминини билдирди.

21 декабрь куни Саудия Арабистони пойтахти Ар-Риёд шаҳрида супероғир вазнда украиналик жаҳон чемпиони Александр Усик ҳамда британиялик собиқ WBC камари соҳиби Тайсон Фьюри ўртасида реванш жанги ўтказилади.

"Усик — супероғир вазн тоифасининг айни пайтдаги энг кучли жангчиси. Лекин мен Фьюрига мухлислик қиламан. Умид қиламанки, у бу жангда ғалаба қозонади. Нега? Чунки мен унинг мухлисиман. Унинг отаси эса унга менинг исмимни қўйган. Уни бу ҳолатда ташлаб қўймайман", — дея Тайсоннинг сўзларини келтиради talkSPORT портали.

Эслатиб ўтамиз, Александр Усик ва Тайсон Фьюри ўртасидаги илк жанг шу йилнинг 18 май куни ўтказилиб, унда Усик ҳакамларнинг айри қарори билан ғалаба қозонган эди.