06 янв 12:11
Янгиликлар

Футбол

Мбаппе — 2025 йилнинг энг яхши пенальтичиси!

Франциялик футболчи 11 метрли белгидан нечта гол урди?

Мадриднинг "Реал" жамоаси ҳужумчиси Килиан Мбаппе 2025 йилнинг энг яхши пенальти ижрочиси деб топилди. Бу ҳақда Transfermarkt хабар бермоқда.

Франциялик футболчи йил давомида барча мусобақаларда, жумладан, миллий терма жамоа сафида ҳам, пенальтидан 16 та гол урди. Бу — Европанинг 10 та лигасидаги футболчилар орасида энг юқори кўрсаткич.

"Бавария" ҳужумчиси Ҳарри Кейн Мбаппедан атиги икки аниқ зарбага ортда қолди — унинг ҳисобида 14 та гол бор. "Бенфика" форварди Вангелис Павлидис 13 та гол билан учинчи ўринни эгаллади.

"Реал Сосьедад" вингери Микель Оярсабаль "нуқта"дан 11 та зарбани аниқ ижро этди. "Арсенал" ҳужумчиси Виктор Гёкереш ва "Порту" форварди Саму Агехова эса 10 тадан пенальтини голга айлантирган.