31 авг 10:42
Янгиликлар
Дзюдо
Медаль учун даъвогар дзюдочимиз учун жаҳон чемпионати якунланди
Япониянинг Токио шаҳрида дзюдо бўйича жаҳон чемпионати давом этмоқда.
Бугун мусобақа доирасида +100 кг вазнли спортчилар ўртасида беллашувлар бўлиб ўтмоқда. Ушбу вазнда Бекмурод Олтибоев совринли ўринлар учун асосий даъвогарлардан бири сифатида қайд этилганди. Афсуски, мусобақани иккинчи даврадан бошлаган Бекмурод тожикистонлик Шакармамад Мирмамадга иппон баҳоси билан ютқазиб қўйди ва жаҳон чемпионатидаги иштирокини якунлади.
Шу тариқа, жаҳон чемпионати Ўзбекистон терма жамоаси учун якунланди. Мусобақа давомида -60 кг вазнли Шарофиддин Лутфуллаев кумуш медалга эга чиқди.
Эртага ЖЧ доирасида жамоавий баҳслар ташкил этилади. Унда Ўзбекистон терма жамоаси аъзолари иштирок этишмайди.
Ҳавола :
Манба : olamsport.com
Фикрлар