30 апр 12:58
Янгиликлар

Теннис

Медведев Мадрид "Мастерс"да иродали ғалабага эришди

Дунёнинг тўртинчи ракеткаси Даниил Медведев Мадрид "Мастерс" турнирининг учинчи даврасида қийин ғалабани қўлга киритди.

Россиялик теннисчи ATP рейтингида 26-поғонада бораётган америкалик Себастьян Кордани 5/7, 7/6(4), 6/3 ҳисобларида мағлубиятга учратди. Даниил теннисчиларнинг ўзаро учрашувлари ҳисобида олдинга чиқиб олди - 3:2.

Икки соату 27 дақиқалик баҳсда Медведев 7, Корда 13 та эйс зарбани амалга оширган. Ҳар икки теннисчи ҳам 2 тадан брейкка эришган. Энди Медведев турнирнинг 1/8 финалида қозоғистонлик Александр Бубликка қарши кортга чиқади.