16 авг 07:23
Янгиликлар

Теннис

Медведев - Торонто"Мастерс" чемпиони!

Канаданинг Торонто шаҳрида ўтказилган теннис бўйича "Мастерс" сериясига кирувчи нуфузли турнир россиялик Даниил Медведевнинг чемпионлиги билан якунланди.

Дунёнинг иккинчи ракеткаси бош соврин учун кечган финал учрашувида ATP рейтингида 32-поғонадан жой олиб турган америкалик Рейлли Опелкани 6/4, 6/3 ҳисобларида мағлубиятга учратди. Теннисчиларнинг ўзаро учрашувларидаги ҳисоб Медведев фойдасига йириклашди - 3:1.

Бир соату 23 дақиқа давом этган финал баҳсида 25 ёшли Медведев 6 та, 23 яшар Опелка эса 8 та эйс зарбасини ижро этди. National Bank Open турниридаги муваффақиятли иштирок Даниил Медведевга 1000 рейтинг очкоси ҳамда 370,290 доллар мукофот пули келтирди.