Медведевнинг Мадрид "Мастерс"даги юриши бошланди

Россиялик теннисчи тўғридан-тўғри иккинчи даврадан баҳсларга қўшилди ва бу босқичда рейтингнинг 36-поғонасидан жой олган италиялик Маттео Арнальдини уч сет натижасига кўра мағлубиятга учратди - 2/6, 6/4, 6/4. Теннисчиларнинг ўзаро учрашувларидаги ҳисоб йириклашди - 3:0.

Икки соату уч дақиқа давом этган баҳсда Медведев 3, Арнальди 4 та эйс зарбасини амалга оширган. Қўшхатолар шунинг тескариси бўлди - 4 га 3, Даниил фойдасига. Иккала теннисчи ҳам 2 тадан брейкка эришди. Энди Медведев учинчи даврада Себастьян Кордага қарши кортга чиқади. Америкалик теннисчи иккинчи босқичда австралиялик Макс Пёрселлдан устун келди - 6/3, 6/3.