17 ноя 15:55
Янгиликлар
Футбол
Меҳди Моҳеби: "Умид қиламанки, CAFA турниридаги ҳолат такрорланмайди"
Эрон терма жамоаси ҳужумчиси Меҳди Моҳеби Ўзбекистонга қарши ўйин олдидан ўз фикрларини билдирди.
"Шукурки, финалга йўл олдик. Кўпчилик фикрига кўра, биз устунликка эга бўлишимиз керак, лекин Ўзбекистон ҳам жуда шижоатли жамоа бўлиб, финалгача етиб келди.
Умид қиламанки, CAFA мусобақасидаги ҳолат такрорланмайди. Ўшанда иккинчи дақиқадаёқ бир ўйинчимиз майдондан четлатилган эди. Бу сафар омад биз тарафда бўлади деган умиддаман", – деди "Кальба" футболчиси.
Эслатиб ўтамиз, Ўзбекистон ва Эрон ўртасидаги Al Ain Cup финали 18 ноябрь куни Тошкент вақти билан соат 21:00 да старт олади.
Ҳавола :
Фикрлар